Bugis@叻沙・海南雞飯

营业中

休息中

喺荔枝角嘅地铁站附近既D2商场入面，有呢间东南亚嘅餐厅，有肉骨茶饭、喇沙、海南鸡饭等等菜式。餐厅环境大致舒适，可以选择户外或者室内嘅地方。我同朋友每人叫咗一个海南鸡嘅套餐，套餐非常丰富，包括有海南鸡饭、汤、一客小食、饮品。海南鸡饭用咗油饭，而且油饭味道唔错！而选取嘅鸡肉肉质尚算可以，鸡肉唔肥腻，而且非常足料，系外面餐厅甚少见！另外，套餐亦配搭左三种口味嘅酱汁，等我哋可以将海南鸡做唔同搭配。小食方面有一客麻辣青瓜同鱼饼，鱼饼其实系鲮鱼肉，味道普通，有少少油。至于麻辣青瓜就非常推介，青瓜好新鲜，麻辣酱汁亦同一般麻辣汁不同，值得一试！