半熟工房 (金馬倫道) (已結業)

一路都好忙无时间试非常出名既半熟芝士挞！每次行过都打排长龙，直至前几日行过见到无咩人就即刻同朋友买左几个试下。虽然比平时少人，不过都等左5-10分钟，排队既时候一直见到staff攞一盘一盘热辣辣既芝士挞出黎，净系睇见都兴奋呀！我今次试左原味同朱古力，两个都好好味啊！！！ 原味既芝士挞远远已经可以闻到香浓芝士味，一咬落去面层非常软，而饼底非常非常酥脆，中间既半融芝士馅好重cream cheese味，不过食得多会有d腻同好济 再试埋佢既朱古力味，感觉好似心太软，不过饼皮比心太软酥脆，而中间既朱古力浆味道非常浓，好好味呀！我呢个朱古力控完全停唔到手 下次有机会好想试下佢地既蛋糕，个卖相都非常吸引！