四姐川菜

营业中

休息中

小妹虽然唔系几食得辣，但就好钟意川菜𠮶种又麻又辣嘅刺激感。今日揾咗一间是私房嘅川菜食，希望过下口瘾。餐厅位于湾仔一栋商业大厦入面，位置颇偏。menu方面有分凉菜同热菜，选择都几多下。今日就得我同朋友两个人嚟，$340可以食到两个凉菜三个热菜。好彩有得拣辣度，由于自己唔系好食得辣，所以全部𩠌都叫咗小辣。👉🏻红油猪耳红油唔算好多所以感觉唔系好肥腻，猪耳几爽👉🏻招牌四川凉面冇谂过咁大碟，最后食唔哂要打包。面条幼细弹牙爽口，有大量麻辣酱，辣得好过瘾。👉🏻辣子鸡软骨用咗几款辣椒、花椒、八角、葱炒成。鸡软骨炸到好香脆，麻香好重，好食到停不了口。👉🏻招牌重庆水煮鱼果然系招牌，同喺大陆食嘅差唔多水准。虽然睇落好红，但其实唔系好辣。鱼肉软熟细滑冇骨，食落好方便。下面原来仲有阔薯粉同大豆芽。👉🏻青椒土豆丝叫咗个唔辣嘅菜中和下。虽然土豆丝算系普通野，但整得几爽脆，切得几幼细。👉🏻加送嘅小菜虽然有点油，但炒得好有镬气。今餐非常丰盛，食到好满足，系香港少有食过好食嘅川菜。