康樂廳

营业中

休息中

今日嚟咗东方文华酒店出席工作上有个cocktail event，发现到活动中serve的finger food系做得非常精致，忍不住要share一下! 今晚供应的小食大概有5，６款，每款差唔多都只系手指公再大一点，非常细粒可爱。首先系橙色呢粒，系三文鱼做主题。上面有金箔包住𠮶点金粒，其实系一粒三文鱼子！下面橙色嘅就系烟三文鱼加少少酸忌廉，一啖入口感觉非常之夹，好和谐。另外仲试咗依款牛肉卷，小小的一件，烧牛肉的牛肉味竟然是非常之出，好香又有肉汁，而且好像是轻轻带点点的芥辣，不错，就是可惜是太细件了一点。甜点代表系无花果挞，系比较特别少见嘅fruit tart。有一种好似日式寿司咁嘅，其实系好似细好微型嘅加州反卷，但系又比一般外面嘅加州卷系好味好多。然后仲有一种鱼子酱多士，上面有一点点鱼子酱，下面系意大利面香草包，中间系少量嘅酱，合在一起，味道系非常之和谐，唔错嘅。今晚虽然在应酬中，但能够一次过试到几款平时黎文华酒店食饭都试唔到嘅finger food，又实在系件令人开心嘅事，希望下次再有机会黎啦。