韓食媽媽韓國料理

营业中

休息中

呢间餐厅午饭时间都几多人，所以预先就打电话book定枱，一去到就有得入。佢午市选择唔系好多，有泡菜锅饭，炸酱面，我就拣咗比较养生嘅人参鸡set。上枱系非常之滚，要小心掂到个锅，唔系会辣亲。人参鸡仲有啲糯米，食落去有人参味，鸡肉都非常嫩滑。套餐仲有一碗饭，其实就食得非常之饱，因为已经有汤有鸡有糯米，仲有一碗饭。其实呢个套餐啱慢慢叹，好似我返工放lunch嚟食，要赶住食就冇咁叹啦，因为个锅真系好热，夏天食直情食到出晒汗添。餐厅侍应部份系韩国人，都非常友善。同行有人食嘅泡菜锅饭都非常正宗，呢间韩国餐厅可以再试。