影片
更多
2020-03-05
1560 浏览
呢日见有Coupon，就用外卖自取App买Lunch，冻冻哋食个汤面，暖下都好😊。餐厅喺长沙湾保安道附近，招牌一啲都唔显眼，但好多人喺餐厅入面食紧，目测餐厅都唔细。我一去到餐厅，外卖就已经Ready，但店员态度好鬼Hea😑。外卖包得都算稳阵，拎到返去无倒泻。本身惊来回路程都成十几分钟，啲粉会浸到淋哂，点知餐厅个外卖盒设计系两层，将汤同面及𩠌分开，好贴心👍。餐厅主打泰国粉🇹🇭，平均$3x碗。汤底可拣泰国清汤或冬荫公，而面嘅选择都多，有米粉、金边粉、越南檬粉同米线等等。另外，餐厅亦都有卖饭同小食。我要咗炸虾丸汤檬($33)，加猪颈肉($9)，总数$42，但我拎外卖时发现堂食好似贵啲，而张单都打要$48😳。唔通餐厅唔记得改App上面个价钱？冬荫公汤好好饮🤤，好浓味，唔酸，但辣度十足，愈食愈辣，BB辣度嘅我食到流哂鼻水，咀仔可能都踵咗。不过无所谓，因为我觉得个汤底好正，配檬粉食一流！如果搭啲芽菜就好喇。至于𩠌料方面，我对于佢所谓嘅炸虾丸大为失望😞，我预期系好弹牙，食到虾肉𠮶种，或者最起码有虾胶...。但呢粒好明显系沟咗蟹柳丝嘅炸鱼饼/蛋，完全同虾🍤扯唔上关系，不过都唔难食嘅。另外加钱要嘅🐷猪颈
呢日见有Coupon，就用外卖自取App买Lunch，冻冻哋食个汤面，暖下都好😊。餐厅喺长沙湾保安道附近，招牌一啲都唔显眼，但好多人喺餐厅入面食紧，目测餐厅都唔细。
我一去到餐厅，外卖就已经Ready，但店员态度好鬼Hea😑。外卖包得都算稳阵，拎到返去无倒泻。本身惊来回路程都成十几分钟，啲粉会浸到淋哂，点知餐厅个外卖盒设计系两层，将汤同面及𩠌分开，好贴心👍。
餐厅主打泰国粉🇹🇭，平均$3x碗。汤底可拣泰国清汤或冬荫公，而面嘅选择都多，有米粉、金边粉、越南檬粉同米线等等。另外，餐厅亦都有卖饭同小食。
我要咗炸虾丸汤檬($33)，加猪颈肉($9)，总数$42，但我拎外卖时发现堂食好似贵啲，而张单都打要$48😳。唔通餐厅唔记得改App上面个价钱？
冬荫公汤好好饮🤤，好浓味，唔酸，但辣度十足，愈食愈辣，BB辣度嘅我食到流哂鼻水，咀仔可能都踵咗。不过无所谓，因为我觉得个汤底好正，配檬粉食一流！如果搭啲芽菜就好喇。
至于𩠌料方面，我对于佢所谓嘅炸虾丸大为失望😞，我预期系好弹牙，食到虾肉𠮶种，或者最起码有虾胶...。但呢粒好明显系沟咗蟹柳丝嘅炸鱼饼/蛋，完全同虾🍤扯唔上关系，不过都唔难食嘅。另外加钱要嘅🐷猪颈肉就几好食，唔会太肥，但得五细嚿，唔系好够喉，又有啲唔抵。
总括嚟讲，呢碗冬荫功汤檬系值得好评嘅，主要系个汤底同檬粉都好食😋，而且大大碗，一定够饱！虽然个汤好惹味，但都几重口味，建议饮可乐解解佢。题外话，我明明喺落单时写咗走葱，点知打开后我发现劲多葱😡，搞到我要嘥时间夹出嚟。
张贴
