S2 鐵板燒 (已結業)

铁板烧食嘅系师傅嘅功夫，而每个铁板烧师傅都有自己一套功夫，有D系著重处理食材，刀功，炒蛋时会画花，炒饭时会堆到卡通/动物咁。有D就著重气氛，会同铁板烧枱前食客互动下。咁今次嘅service都几好，有水准。薄烧牛肉套餐有好多野食，有沙律、刺身、银雪鱼、蟹爪、牛肉、汉堡扒、炒饭、炒菇菌、汤及甜品。不过今次重点系18层海胆杯，上枱时真系视觉嘅享受，显示到师傅嘅功架。全部系刺身层层叠，加上北海道海胆，配料极度丰富、而带有多重味道。海胆、带子、鲍鱼、鱼子、吞拿鱼蓉、三文鱼子、蟹肉、全部都系矜贵食材，真系值得一试。