醉忘魚屋 (已結業)

位于铜锣湾嘅上楼居酒屋，日式风格木系装修，餐厅唔大最好book枱~ 🔘日出唔系冻蕃茄咁简单，起咗蕃茄肉再将佢做成啫喱，外层系蕃茄里面系啫喱，第一次食到呢个做法，酸酸甜甜清爽开胃~ 🔘吞云吐雾有烟熏效果，啱晒打卡，食嘅时候有淡淡的苹果木香，紫菜天妇罗同芝士，香口嘢佐酒一流~🔘秋刀鱼刺身是日最爱菜式，卖相非常靓，平时唔打卡嘅朋友都要影相，聪明地用上鱼肉本身嘅颜色砌咗朵花出嚟，非常精致，鱼肉结实一啲都唔腥，高质~🔘三点贝刺身盛赤贝同北寄贝外表带光泽，食落肉质爽脆，帆立贝肉厚，鲜味十足~🔘博多黄金玉子三层甜甜的黄金玉子，中间夹咗虾滑，感觉有少少似食紧松软版嘅虾多士~😂😂🔘极上盐烧牛舌🔘荔枝烟肉卷🔘手羽先🔘冬菇牛舌juicy，烟肉卷我觉得非常好食，咸甜口感，荔枝好甜仲好多汁~ 整体串烧都好有水准，香口得来唔会烧到干晒，调味都系啱啱好~🔘白烧鳗鱼🔘太刀鱼汁烧鳗鱼肥美烧到个皮脆脆地，口感极佳，太刀鱼啖啖肉之余又有鱼油香气，个酱汁同条鱼好夹，好少见到居酒屋有咁多款烧鱼选择，应该系师傅拿手嘅菜式，建议一定要试吓烧鱼~食物质素比想像中更加好，前菜、刺身同串烧全部都好高质，唔止好味，仲要摆盘都好靓，黑板写住