煮宮

营业中

休息中

朋友钟意食私房菜，贪少啲食客，可以详谈尽兴啲，所以今晚就嚟到骆驼漆’煮宫’揾食! 入到去环境好整齐，仲有得唱K打麻雀，第一印象唔错!食物方面，当日拣嘅都系餐厅比较有名气嘅菜式。餐前小食嘅炸豆腐粒香口，拍青瓜入味开胃。是日汤水’花胶响螺炖排翅’十分足料，除咗个名提及嘅材料，仲用咗元贝同鸡翼，味道浓又唔肥腻。另外值得推介嘅系’金汁千层鲍鱼’。鲍鱼火候控制得好, 配上冬菇酿虾胶同豆苗，所有朋友都食得舔舔脷！老板知道其中一位朋友对虾敏感，更额外煮一碟无虾胶，好贴心！整体嚟讲晚餐非常高质，老板会留意每位客人食完上一道菜先出下一道，所有野食都好热辣辣！