Dr. Italian Pizza & Pasta (已結業)

试过位于屯门 Go Go Mall food court 嘅 Dr. Italian Pizza & Pasta，就会明白点解佢会有咁多正评，一句概括：大件夹抵食。二人餐好大堆头，有 8 吋 pizza，自选焗出好芝味，韩式炸鸡，炸薯条，忌廉汤同奶冻。Pizza 拣咗啖啖肉口味，顾名思义，火腿，烟肉，猪肉，salami，pepperoni 等一应俱全，配合自家制 pizza 酱汁同满满嘅芝士，味道丰富且配搭得宜，好食，唯一要挑剔系个饼底，虽然采用意大利面粉，够薄又有面粉香，但唔知系咪搓面粉时间耐咗，食嘅时候有啲韧。自选焗出好芝味本来想试劲爆芫茜汁，可惜当日缺货，于是我哋拣咗鲜茄烩牛腩粒焗饭，呢个由牛腩同蕃茄嘅份量，到芝士同鲜茄酱汁嘅调配，全部都显得非常高质，真心正。至于粟米汤，炸鸡同炸薯条就正常水准。