滿堂紅頂級雞煲火鍋 (已結業)

同几个朋友打完波谂住去食开果间鸡煲名店叹宵夜吹水，点知成十点都仲系大排长龙，于是唯有即刻睇下附近有无类似嘅选择啦~行下行下见到个易拉架介绍呢间鸡煲火锅放题，10:30pm入座每位只需$138，已经全包，睇落非常抵，行到去见到个舖面好宏伟，成座珍宝海鲜舫咁，好有气势，于是就决定入去试下啦~我地order左个少麻少辣嘅招牌重庆鸡煲，趁个煲未黎就出去自助bar枱攞小食医医肚先~我地试下春卷、猪耳仔、手拍青瓜同，比较值得推介嘅系蒜泥白肉，自问食得辣先好试㖞，其他就唔食也把~边食小食就边睇下有咩火锅配料可以任食，选择有近80款，都系d大路普通野，比较特别嘅系「真系花胶」。等左差唔多40分钟个鸡煲先终于上枱，连埋d配料一齐到，大家急不及待试过鸡煲，不过翻几翻，发觉有唔少已经痴左底㶶左，too bad!!!个煲最初食落唔辣，不过越食d辣就慢慢发出黎，但就只系得个辣字，同平时食开果间个秘制酱汁真系差好远~好远~至于d鸡，亦唔见得嫩滑，系咪做亲任食都会系咁忽略质素既呢？而d火锅配料都不值一提，无乜边款觉得特别好食，响铃一d都唔脆，牛又唔似牛，整体而言都系畀返明码实价去叹返个鸡煲好过luu~