素苗 (已結業)

餐厅入边有十几只猫，如果你系一个爱猫人士，你会好钟意呢度。🐈🥰-由于冇餐牌，我亦唔记得每道菜嘅名，只能分享吓作为冇食开素嘅人食咗成餐素食嘅感受。-❤️前菜最有印象嘅系好有肉味嘅菇👍🏻同埋从来都冇食过嘅迷你青瓜。-❤️餐汤成碗都系绿色，但系唔会有草腥味，不过以一个蔬菜汤嚟讲唔系好出色。-❤️沙律入边有好多生果同蔬菜，会试到一啲未食过嘅蔬果，炸紫苏叶最出色！但沙律好大碟，沙律汁同埋水果都好甜，食食吓就觉得有啲腻。由呢碟开始我就食唔晒啲嘢并想念肉嘅味道。🥹-❤️主菜牛油果同薯蓉大啡菇，平时唔会斋食牛油果，所以唔系好钟意。薯蓉就唔错。-❤️甜品拣咗无糖Sorbet，好大份，冇咩特别。-整体嚟讲，我觉得系个唔错嘅体验，可以食到好多未食过亦未见过嘅蔬果，但料理方法偏朴素，你会食到食材本身嘅味道，而唔系唔同嘅食材互相融合嘅味道。