譽小館 (已易手) 新餐厅

呢间野唔系酒楼，但都有点心、粉面、粥等等。同样系有点心纸，点好落单就得。呢度茶$4位，几平，唔好处系佢得一款茶，你冇得拣。今次叫左一盅饭（欠相）、云吞牛筋腩捞面（欠相）、牛肉肠、叉烧肠、虾饺同牛肉球。盅饭既𩠌略嫌少左d，而牛筋腩面我其实系样牛筋多d，不过最后系牛腩多d。叉烧肠粉皮算薄，可以见到入面既涵，同埋都算足料。牛肉肠既皮就相对厚左d。虾饺皮就厚左少少，但d虾都几爽口。牛肉球就唔会劲多粉，食落都系新鲜既。所以整体唔错，全部野加埋$197。个人觉得去真正既酒楼饮抵d。