醉潮館

营业中

休息中

嚟呢间<醉潮馆>食个晚饭，顺便庆祝朋友生日。我哋叫咗好多个小菜，味道都唔错！首先我哋叫咗两个炖汤，分别有花胶螺头炖鸡同核桃虫草鲍鱼炖鸡。两个汤都好清甜，汤亦都无乜油，用料十足。我个人较为喜欢核桃虫草鲍鱼炖鸡多啲，味道较香浓！椒盐九肚鱼~炸得好香脆，一咬入口啲九肚鱼无滑潺潺嘅口感，亦都咬唔到鱼骨，正呀👍🏻笼仔荷叶膏蟹蒸饭～一大只蟹放喺啲饭上面，劲多膏，膏蟹亦都好新鲜，蒸饭吸哂荷叶香味之余亦都粒粒分明，越食越想食。金汤酸菜鱼～汤饮落酸酸带啲辣，不过不失。但可惜啲鱼带泥味，影响整体嘅味道。雪裹红虾干芥兰煲～翠绿嘅芥兰，炒得啱啱好，又唔会炒得过老，好香口！加上虾米咸香味，不错。醉潮口水鸡～微辣口水鸡，食落啲鸡无雪味，肉质都唔错。辣酒煮醉螺～呢个醉螺一啲都唔辣，螺肉煮得好入味，每粒都好大粒。黄金秋葵～每一条秋葵都被啲咸蛋黄均匀地包住，咬落唔油腻，秋葵亦都炸得好干身。真系比起平时食烚秋葵完全唔同口感，好有新鲜感🤤椒盐鲜鱿~鲜鱿炸得好香脆，而且咬落都好弹牙，可惜炸粉过多，如果少返啲炸粉口感更脆！椒盐孖宝一口方块~里面分别有炸豆腐同炸馒头，夹起旧豆腐无松散，外脆内滑，劲好食。炸馒头亦都