意樂餐廳 (利安商場)

营业中

休息中

行过路过见无乜人就试吓个下午茶，点知俾佢个腿蛋治震惊咗，烘埋底好好食，刷新咗我对三文治嘅三观。今次特登嚟试埋个午餐，叫咗个黑椒鸳鸯扒饭。超多黑椒汁，够辣够惹味，鸡肉酥脆，猪扒都ok，冻啡香浓，正！但系服务真心唔掂，2次嚟都无人安排入座、维持秩序，次次都见到有人因为无排队、争先后而闹交。啲待应做嘢就神情呆滞无乜反应咁，落单上菜收枱都系粒声唔出，但未至于板起块面嘅。我只能够讲系全靠厨房水吧救返呢间餐厅。