沙田頭火鍋 (已結業)

依间既胡椒猪肚汤底真系好正，劲重胡椒味，咸酸菜又好味，猪肚都唔错够淋又入味, 份量十足，又有枝竹。 未开始打边之前，先饮左一碗汤，唔觉有味精，味道咸辣味适中。 即制响铃，放入汤吸晒d汤汁，超正👍。 手切牛颈脊，食落有口感，牛肉味浓，有少少肥所以点油香。手打四宝丸都好靠得住，虾丸、墨鱼丸、鲮鱼丸、牛丸好鲜味又弹牙，真材实料。四宝饺，馅料十足，皮薄馅多, 入面有大大只虾又爽口, 虾肉蛋饺够特别，出面好少有得食。 猪颈肉拼猪下青，第一次食猪下青，估唔到猪肉都有个口感咁爽脆既位。 依度地方干净企理，服务招呼都几好 。