Hashtag B

营业中

休息中

经过尖沙咀每一次都见到劲多人排队，知道好多游客为咗个蛋挞排好耐，不过食完之后都明白原来佢咁受欢迎真系有原因，因为蛋挞同面包实在高质。之前听朋友讲排队曾经排过45分钟以上，我好好彩15分钟就到我，当然要试最出名嘅千层蛋挞，原味系焦糖，期间限定系柚子味，我两款都试齐。即场食咗原味焦糖蛋挞，真系非常脆卜卜，而且偏大个，好香蛋味底部有焦糖，老实讲真心好味，我觉得排队都值得一试，另外柚子味买咗返公司，隔咗两个钟先食，虽然酥皮冇咁趣，不过柚子味好清新配上cream cheese，同焦糖蛋挞两个唔同感觉，两款我都钟意。买面包返屋企比小朋友当下午茶，买咗一个苹果金宝酥，一个烟肉酥，同埋一个朱古力酥，我觉得最好味系个烟肉酥，切开睇吓入边真系有烟肉，而且有芝士，好香，苹果金宝小朋友钟意因为甜甜地好惹味，总括嚟讲我明白呢间舖头点解会长期咁多人排队，因为真系高质，如果未食过真系值得一试。