影片
更多
2010-01-10
173 浏览
上星期六系一个几冻嘅日子，但由于有个旧同事大学毕业，于是乘机约埋几个旧同事出嚟庆祝兼敍旧，并冒著寒风系尖沙咀1881影番大批沙龙留念。影咗一大伦相，到咗中午，大家已经饿到肚皮打鼓，即刻去咗附近一座食店林立嘅大厦睇吓有乜嘢食，系主角嘅提议下我哋去咗一间叫小南国壹号嘅上海菜馆帮衬。去到现场，感觉环境幽静雅致，最值得欣赏嘅系个景观，对正维港两岸，真系好ok，如果夜晚嚟重好。系服务方面，d侍应都好友善殷勤，又有笑容，攞咗唔少印象分。由于我哋见系中午时间，冇叫d乜嘢小菜，只系order咗点心，小炒咁。未讲我哋叫嘅嘢食前，先讲吓菜馆提供嘅餐前小食，一共有两款，一款系辣嘅（唔好意思，由于我唔食辣，对此冇乜印象，甚至唔知个d系乜添）；另一款系蜜饯合桃，颜色较黑，味道非常好食，又香又松化，有蜜味嘅甜但唔腻，我觉得系当日最好食嘅嘢食物（好食到唔记得影相，真系sorry）。食完餐前小食，伦到我哋点嘅食物出场啦，睇吓d味道点先？火腿萝卜丝酥饼：香酥松化，好味但未见有太大特色 糯米肉烧卖：咸咸哋咁几好味，虽然烧卖个馅系用糯米整，但系完全唔觉腻，而口感就唔似食烧卖，反而有d似糯米饱。美中不足嘅系个烧卖「定」都几韧
去到现场，感觉环境幽静雅致，最值得欣赏嘅系个景观，对正维港两岸，真系好ok，如果夜晚嚟重好。系服务方面，d侍应都好友善殷勤，又有笑容，攞咗唔少印象分。
由于我哋见系中午时间，冇叫d乜嘢小菜，只系order咗点心，小炒咁。未讲我哋叫嘅嘢食前，先讲吓菜馆提供嘅餐前小食，一共有两款，一款系辣嘅（唔好意思，由于我唔食辣，对此冇乜印象，甚至唔知个d系乜添）；另一款系蜜饯合桃，颜色较黑，味道非常好食，又香又松化，有蜜味嘅甜但唔腻，我觉得系当日最好食嘅嘢食物（好食到唔记得影相，真系sorry）。
食完餐前小食，伦到我哋点嘅食物出场啦，睇吓d味道点先？
火腿萝卜丝酥饼：香酥松化，好味但未见有太大特色
糯米肉烧卖：咸咸哋咁几好味，虽然烧卖个馅系用糯米整，但系完全唔觉腻，而口感就唔似食烧卖，反而有d似糯米饱。美中不足嘅系个烧卖「定」都几韧，或者cover pig年纪大兼牙力唔够，我要咬咗佢出嚟先得。
葱酒香麻饼：几香口嘅点心，有少少似系豆沙嘅馅，冻咗食都唔觉韧
麻酱菜肉大馄饨：好味，d麻酱好香，配合埋d菜肉馅感觉唔寡唔滞，而且大家都唔会抢咗对方d味，两者出奇咁夹。馄饨就唔系大，不过因为皮簿所以觉得d馅都算充实。
小笼包：几好食，皮够簿，馅料够多兼入味，我 d旧同事都赞几好食，只系我个人觉得唔太够鲜味，硬系觉得争少少咁。
桂花软糕：放系软糕面装饰个一撮黄色就系桂花，除咗装饰之外，成个软糕并冇桂花嘅感觉，只系一个用糯米整，烟烟韧韧嘅普通软糕，虽然都算清甜可口，都由于冇乜桂花味，因此有d失望。
炒年糕：口感清爽适中，味道唔浓唔淡又唔肥腻，有咬口之余又完全唔韧，而且外观够清新，确系水准之作。
上海粗炒：估佢唔到嘅系唔觉得点油腻（因为呢味𩠌一向俾我嘅感觉系好多油），味道系较为淡（相对于其他食店嘅呢个𩠌嚟讲）但并唔系无味，只系味道冇咁浓，我觉得重易入口。D面炒得几爽身，唔会一旧旧或者痴埋一注，好容易夹起d面。
讲真，我做咗咁耐cover pig，都试过好多间上海菜馆，讲级数我谂都以呢间算最高级（唔好笑我孤陋寡闻啦！）。系食完d食物，加埋环境，服务等分数后，我觉得算ok，兼且系一个唔错嘅体验。
张贴
