面對面

营业中

休息中

餐厅：面对面地点：湾仔巴路士街菜式：台湾菜餐牌：汤面类，煲类，饭类，捞面类，小食，下午茶汤面，饮品鲜虾云吞面 $46鲜虾云吞面有一客四只云吞，云吞皮好薄又滑，真系见到有大大只鲜虾同肉馅，味道少少咸，好味道。面系白色幼身台湾面，比上海面更有口感，质素唔错，唔会太淋或者一patpat，配有菜心两条，肉碎，咸菜同葱花。而且汤底居然系药膳汤，清得黎带好香药材味，𩠌面一流。秘制花枝丸面 $46秘制花枝丸一客五粒，同面分开上，炸得皮金黄色，而入面好浓花枝丸味，口感都唔错，唔会太油，垫有生菜一片，洒上少少胡椒粉。面同鲜虾云吞面既面一样。台湾肉松小茄子 $32台湾肉松小茄子大大碟，整得热辣辣既外脆内滑茄子条，加上香口肉松，葱花加甜辣酱汁，味道特别，好惹味，而有多重口感，正。冻菜蜜 跟餐加$4冻菜蜜味道清淡。冻冬瓜茶 跟餐加$4冻冬瓜茶就好清甜，两杯都叫左少甜。今餐食物质素唔错，我最钟意系云吞面，而价钱超抵！座位都唔差，干干净净。