CoCo壹番屋 (新港中心)

营业中

休息中

记得，哩间餐厅啱啱进驻香港时，光顾过铜锣湾分店，觉得终于有间似样嘅日式咖喱店喺香港，一直念念不忘，几年后嘅今日，帮衬尖沙咀分店，完全粉碎我一直嘅印象，咖喱冇咖喱味（隐若仲见到有生粉打茨）、蛋冇蛋味、忌廉冇忌廉味、鸡有雪味（我知唔会系新鲜鸡，但都唔好咁离谱）、饭好少食完唔觉饱（减肥去食一流，绝对唔会有罪疚感），仲有，我有理由相信，餐厅系唔想客人食完，仲霸住张枱赖死唔走，所以，冷气开到雪柜咁，而冇向商场作出反映调节，基本上，碟饭一放上枱就会冻，以前，觉得呢个价钱值得俾，而家，我宁愿帮衬附近茶餐厅（尖沙咀嘅茶餐厅，都唔平） ，食完好想叫佢回水，如果，你唔同我讲哩啲系咖哩，我只会觉得系有啲辣味嘅啡色汁，真悲哀，以前，铜锣湾分店服务几好，今日，尖沙咀分店，可能因为经济不景，服务已变得好一般般，睇佢哩个形势，有机会将会全面撤离香港（佢应该顶唔住香港啲贵租），可惜