影片
更多
2012-01-08
17 浏览
小弟一向都唔多会为咗食等餐蒙，因为真系觉得无咁嘅必要，香港遍地美食，食少间唔系咩大问题，不过，今次嚟「等」第一肠粉却系带点无奈，事出必有因。事缘10月尾，见网站推出第一肠粉嘅团购，内容系$10即购「第一肠粉专门店」8 选1 单拼肠粉一碟$19再加冻豆浆一杯$5（总值$24），而小弟因返教会都算常出没太子区，当食早餐都好，额外加多少少嘢当食晏又得，再者限期由11月1日去到至1月1日，相信好易用到，所以就买咗两张，结果，都系自己唔好，拖吓拖吓到咗最后一日，唔用唔得，就拉埋老婆一齐试试佢啲肠粉。原本佢晌该区都唔算好出名，只因自称为「第一肠粉」，所以有啲话题性，食客都唔算多。点知最近成为米芝莲推介，食客蜂拥而至，排个不奕乐乎。依日，已经专灯晏啲先嚟（2:30pm左右），都系有条小人龙，都系𠮶句啦，无谓排，外卖两客肠粉拎走食算数！虽然唔系排入场，但等外卖都要等咗近廿分钟。我留意过，如果我有跟埋去排队，我走时应该排晌我前面嘅人都有要排多几个人先到佢哋，相信排足30分钟走唔甩。仲要唔系一叫就有得食，可能又要等10多、20分钟先有得食！招牌第一拉肠能够谂到以菜甫、肉燥做馅，都算佢第一啦，不过，既然起名
事缘10月尾，见网站推出第一肠粉嘅团购，内容系$10即购「第一肠粉专门店」8 选1 单拼肠粉一碟$19再加冻豆浆一杯$5（总值$24），而小弟因返教会都算常出没太子区，当食早餐都好，额外加多少少嘢当食晏又得，再者限期由11月1日去到至1月1日，相信好易用到，所以就买咗两张，结果，都系自己唔好，拖吓拖吓到咗最后一日，唔用唔得，就拉埋老婆一齐试试佢啲肠粉。
原本佢晌该区都唔算好出名，只因自称为「第一肠粉」，所以有啲话题性，食客都唔算多。点知最近成为米芝莲推介，食客蜂拥而至，排个不奕乐乎。依日，已经专灯晏啲先嚟（2:30pm左右），都系有条小人龙，都系𠮶句啦，无谓排，外卖两客肠粉拎走食算数！
虽然唔系排入场，但等外卖都要等咗近廿分钟。我留意过，如果我有跟埋去排队，我走时应该排晌我前面嘅人都有要排多几个人先到佢哋，相信排足30分钟走唔甩。仲要唔系一叫就有得食，可能又要等10多、20分钟先有得食！招牌第一拉肠
能够谂到以菜甫、肉燥做馅，都算佢第一啦，不过，既然起名为「招牌」，必定系店家认为全店最好，令食客一试难忘。讲真，饮食多少带点主观，而我就觉得只可以叫唔错。先讲皮再讲馅，肠粉皮拉得的确薄，睇到条肠粉透馅就知佢皮薄，但透馅唔代表一定系上佳，个人觉得系花招，因为包出嚟嘅肠粉只系面薄底厚，咬感唔均匀；而且唔觉话好滑身㖞，当然，依个可能多少同我唔系即食有关，所以唔入佢数住。馅料方面，菜莆搭肉燥做馅，我就觉得几出色，味道突出够惹味，菜甫多份脆口感，只可惜馅料偏少，而且唔系三条肠份都落料咁平均，底下其中有一条肠份真系无乜料添！
姜汁猪润拉肠依个猪润肠，我谂都可以用失望嚟形容。依个肠粉落馅仲衰过上面𠮶盒招牌第一拉肠，一打开个盒，以为其中一条肠粉啲猪润甩晒出嚟，原来直情有条肠粉系无落猪润嘅，即系纯斋肠，师傅求其执番两块猪润落盒度就算，因为如果包得好哋哋无理由啲猪润会甩到出嚟，真系肠粉新食法。此外，面面𠮶条肠粉系得一块猪润咁大把，还好，料靓，黄沙润做爽口既滑，带些微姜汁香，一啲臊味都无，算是一点点安慰。同样，厚薄鸳鸯皮问题超严重，一啲滑溜感都食唔出，只系一口软糯嘅粉团感。
门口放置自助豆浆机，可能著实店内空间有限，索性将豆浆机放晌门外。如果大热天时都几好，排紧队时口渴渴，可以即场整番杯解解暑。
由于唔系堂食，唔知佢啲服务系点，但有样嘢可以一提，叫外卖，落咗单佢唔会俾个筹或一啲记认你，只系叫系大概几耐之后返嚟攞，完全讲个信字。如果外卖单少，都无乜问题，但单多，前后客都叫同样外卖，可能出现争驳；又或遇正啲大蒙嘅食客，随时被人拎错咗！据说米芝莲对一间食店嘅评分，会透过几次造访，既然获得米芝莲推介，相信水准有番咁上下稳定，但点解小弟一食个水准就有咁大落差？唔好彩？定水准确系跌到咁差？相比起早期各食家所贴上嘅肠粉相，真系有退步嘅迹象。整体对此店嘅评价系，馅料得但份量少，肠粉薄但包得衰，如果佢唔系叫「第一肠粉」，仲要系「专门店」，我应该会俾个OK佢，但依家咁，个人觉得只值得俾个喊脸啫！
张贴
