目黑壽司 (已結業)

记得饮食男女介绍过将军澳分店，睇完即刻去食，试完觉得好正，带子寿司$14 大大只又新鲜，海胆寿司$25 蚊一碟，海胆又多又鲜味，贵得黎都觉得物有所值，连$9 蚊一碟既三文鱼寿司都又大块又新鲜，绝不欺场，可惜将军澳唔多就脚，而且排队条龙仲劲长，有日行过见到淘大商场竟然有分店，仲唔驶排队咁笋，即刻冲入去试下，点知除左装修同招牌外完全系两回事，任何寿司Ｄ饭一夹就散，三文鱼又细块又唔新鲜，带子干争争，海胆有多少变左味，净系旧饭就大大旧,慌死你食唔饱咁，简单讲就系元禄都不如,食完行出门口第一件事就系望下个招牌睇下系咪真系目黑寿司定系Ｄ冒牌野面黑寿司黎架？