C.P.U. Cafe (已結業)

第1次去，搵嘅時候R晒頭點解行左入鞋鋪。的確行到盡頭就見到個細細門口。 餐廳唔算大， 2個人去的話，張檯同隔離張泊牆4人檯都痴得頗埋。而且都算嘈。 普通朋友黎chit chat 都ok, 但如果想靜靜relax未必適合喇。食方面，同朋友一個叫左豬扒一個叫左海陸大餐（有牛扒同2條蝦），晚餐嘅main dishes可以加錢變餐，咁就有沙律/白酒煮蜆，湯同野飲。我地一個要沙律一個要蜆，再upgrade 湯做磨菇濃湯。 麵包熱辣辣，好好食。 整體野食都好好，牛扒啱啱好，豬扒亦好有肉汁。如果約朋友出黎he how ha hea下嘅，都係唔錯選擇。