School Food Blooming Mari (新都城中心) (已結業)

韩式食品分唔同时期就兴什么食物，仲记得有一期兴食炸鸡加啤酒，虽然热潮渐渐过去，但好多韩式食店都有提供炸鸡，而且做法亦多元化，好似有用酱油、蒜香等等，务求延续食鸡乐趣。呢间食店唔系第一次帮衬，因为贪佢哋方便，而且比起叫寿司又可以有多啲选择。不过话时话，佢哋叫紫菜包饭嘅又唔系传统寿司，而系朝鲜食品，将蒸熟的白米饭(唔系寿司米)和各种其他材料卷进紫菜中，再切成一块块。「韩式原味餐肉紫菜包饭」简单啲嚟讲即系餐肉包饭，不过韩式餐肉唔会好喊，反而略嫌淡啲㖭，加啲酱油会惹味啲。「泡菜紫菜包饭」呢个够晒惹味，只因有泡菜做馅已无得输，辣辣地味道十足。「辣炒年糕」本身年糕烟烟靭靭几有咬口，加上辣炒提升口感层次，「酱油蒜香炸鸡」跳出原味框框，蒜香令鸡更入味看口，反而唔系脆鸡冇咁热气。「鱼糕」令我谂起喺韩国旅行时路边摊档食嘅鱼糕串颇为怀念。由于外卖所以拿走竹签，鱼糕直接放在兜里。鱼糕形状各有不同，有啲圆有啲方，味道却没有太大分别，我觉得如果放凉了要加热返就会好食啲添。食韩式嘢当然饮番罐韩式饮品咁就 perfect。