雪話雪冰 (已結業)

呢一晚大家虽然食得好饱，但依然可以揾到位zip d甜品入胃（爆）其实呢，点解次次都要食过甜品，果日嘅聚会先算完美呢 ？我都唔知 （笑）4个人食3个甜品其实都有少少勉强，但我会尽力食嘅。。哈哈！首先叫个classic d嘅芒果雪冰啦，芒果够多而且算甜㖞，上面果球雪糕有芒果汁点缀，甜中带点点酸，即刻开胃哂（笑）至于个冰。。就唔系我食过最棉最幼细嘅冰，佢望落似椰丝咁粗粒的，不过都算ok，冇咬到冰粒嘅，不过话雪奶冰，但就冇乜奶味，要加炼奶先够味喔！再黎就系蜜瓜雪冰，卖相好清新，蜜瓜份量唔算多，亦唔够甜，如果夏天应该会甜啲啩，上面个雪糕系vanilla 味道，普普通通咁啦，都系椰丝咁粗嘅冰，都系要加炼奶先够味，而且比芒果果碗更快溶啊！最后叫左个waffle，先讲个waffle质地，外脆内软，上台时依然系暖暖的（呢点好重要喔！）蛋味香浓又带出面粉香味，加埋蓝莓酱系偏酸的，感觉冇咁漏，喜欢waffle嘅朋友可以试下啊！