韓讚 (已結業)

话说就黎打风，男朋友话打风都出唔到街架啦叫我不如今晚放工出黎食饭见一见面，由于就返佢返工地点所以又系出返铜锣湾食。喺某e订枱app见到7:30pm仲有得book位有7折，再加上本身lunch的韩烧因为某啲同事唔想食而取消了，于是就决定试下呢间韩食补返数。我地行得好快7:10pm就上到去，餐厅话冇所谓照俾我地入座，去到时餐厅大约1/3满。快快睇咗个menu，食物选择比较少，老实讲有啲拣唔落手，但都入咗黎就照食啦！于是就叫咗2款主菜同饮品。先黎咗一道牛肉韩式饭卷（$88），唔知点解会跟wasabi同日式豉油... 我又真系手多走去点，结果变咗日本寿司味。后尾果啲照正常食，味道较淡，而且饭比较湿。另外仲叫咗韩潮春川黑豚肉芝士锅（$318），会有staff即场帮我地先将材料炒至半熟，再加芝士喺炉边先上枱。芝士锅我真系第一次食，中间个炒黑豚肉带点微辣，不过食落去都系觉得有啲淡，捞埋芝士一齐食叫好少少。不过食食下都已经唔想再点个芝士，因为佢冇咩芝士香味，不过都食到奶香味，所以食食下都冇心机再食个冇咩芝味嘅芝士，净食中间啲食物。不过中间啲薯仔煮完几好食。饮品叫咗夏日柚子青柠梳打（$38），落咗好多柚