首爾家韓國料理

营业中

休息中

门口装修好有韩国味道，以黑色为主，感觉高尚。入到餐厅，电子化烧烤炉，抽气做得好好，完全冇烟，最重要系价钱温馨。一坐低，首先送上六款韩国餐前小食，零舍中二鱼干，属于比较大条，口感十足，送酒一流，另外泡菜唔太辣，岩晒我口味。一上枱系牛排骨汤，汤系热辣辣锅度不断滚，牛味直扑鼻，香喷喷，牛排骨份量有成4-5件，所以汤好浓味，牛肉又煲到好淋好松化，有如入口即溶。叫左腌左牛肋骨同猪里脊肉。侍应好亲切过来帮手烧，所以火候控制好到位，牛肋骨吸收晒腌汁，十分入味，无需点任何汁料已经好正，忍唔住讲句，牛好有牛味。牛肉汁全部锁系牛肉度，嫩滑冇渣，香浓好味。猪里脊肉冇腌过，都算肥瘦相间，薄薄一片，好易熟，属于比较有口感，爽得来又唔油，点上少少韩国辣酱，宁舍开胃。最后整碟紫菜牛肉包饭，不过不失，可能俾啲靓牛填饱左缘故。食埋附送橙，为晚餐画上完美句号。两人食到捧住肚走，满足之余，价钱合理，环境又一流，下次一定再食。