清潭韓國餐廳

营业中

休息中

近排食韩国菜食多咗，自己本身中意食，今日行开海港城见到对面新开咗间韩国餐厅，有兴趣试吓。餐厅设有室外座位，望出去街景好开扬，成个人即刻放松晒😊有多款正宗韩国料理，烤肉、火锅、料理、汤饭。韩籍员工十分好客，先为我地呈上凉拌前菜，比较特别嘅有鱼仔干🐟青豆牛肉🐮蔬菜煎饼🥬用黎送饭一流。海鲜煎饼好大份，有鱿鱼、带子，海鲜都几新鲜，煎饼煎得香脆热辣辣。石锅拌饭系好传统嘅韩国菜式，相信有吾少人中意食，有鸡蛋🥚青菜、芽菜、紫菜、红萝卜🥕加一种肉类，捞埋韩式甜辣酱颇美味。牛肉汤饭有牛𦟌同粉丝，呢个菜式味道较清，牛𦟌几软稔，厚薄度属薄身，粉丝滑嘟嘟，有两样材料送饭吾错呢。