Seoul Noodles

营业中

休息中

呢间由韩国人主理嘅正宗手工刀削面，而家旺角都开咗分店，之前成日经过都要排队，特登早少少12点前到，见唔使排队就即刻同老公入去试咗啦，天气冻食完汤面个人即刻暖笠笠😚我地叫咗份「Combo for Two」： 有2 款汤面/ 汤饭+ 2 款小食+1 肉食，另外再追加一个迷你紫菜包饭，好丰富好满足🔶排骨辣汤面🔶鸡汤面呢度嘅招牌-排骨辣汤面，排骨份量好多🤩，炆到好腍好入味，汤底又香又辣好惹味。有半只鸡嘅鸡汤面一样份量十足，汤底清甜。好钟意佢个手工刀削面，好烟韧Q弹。🔶猪肉饺子🥟🔶泡菜饺子🥟饺子都系超大只，皮薄馅料多，好鲜味，加了泡菜的更惹味。🔶冷白肉冷白肉配搭泡菜一起食可增添风味，泡菜的酸辣味道同白切肉的清淡肉质相得益彰。🔶迷你紫菜包饭紫菜包饭够扎实，里面有蟹柳酸萝卜、酸瓜等，食落几清新。