微笑韓國料理 (已結業)

劲耐冇食韩国菜，讲到食韩国菜紧系去尖沙咀食啦，但就吾系去好出名戈条韩国街食，今次去咗厚福街一间新开冇耐嘅韩国餐厅食野。呢间韩国餐厅有别于一般嘅韩国餐厅，入到去冇耐发现原来系一对韩国嘅情侣(夫妻?)主理。相比起一般嘅韩国餐厅，呢度嘅食物定价较高，菜式亦唔系出面一般韩国餐厅常见嘅，串烧种类竟然有唔少。另外有下酒菜、烤物、汤类、正餐，感觉应该几正宗。侍应先为我地奉上前菜，有木鱼豆腐、泡菜、腌萝卜，木鱼豆腐好嫩滑，嫌淡嘅可以沾底下带点甜味嘅豉油。🦑 鱿鱼串 $28🐟 鳗鱼串 $48首先叫咗串烧，鱿鱼串同埋鳗鱼串，鱿鱼都烧得几香，口感烟烟韧韧。鳗鱼串酱汁丰富，甜甜哋，几似喺日本餐厅食嘅feel😂冇谂到韩国餐厅都会有。海鲜煎泡菜饼向来都系我喺韩国菜入面几中意食嘅菜式，泡菜味道好浓郁，即酸酸甜甜，入面嘅海鲜有虾肉同埋鱿鱼，就咁睇好似冇乜，食落份量其实几多，同泡菜煎饼食更加美味。最后叫咗份荞麦面，清清哋好啱冇乜胃口嘅人食。