影片
更多
2021-10-20
690 浏览
我好钟意食烧肉，所以一直都揾紧边间烧肉可以令我一食再食，呢间韩烧餐厅听左好耐都未食过，之前听朋友讲呢一间嘅前菜好好食，今次终于试到。韩珍系一间韩国菜餐厅，而隔离嘅bong楼系佢嘅副线，餐厅全部系由韩国人主理，不过佢哋英文足够同大家沟通到，而且仲会主动教大家点烧，甚至帮大家烧。呢度嘅老板仲要系G Dragon父母嘅朋友，系居港嘅韩国夫妻。韩珍除左主打韩烧，仲有提供好多韩式料理，最多人叫嘅好似有酱油蟹、炸酱面、糖醋排骨。肉方面都系选用美国或韩国进口肉类，而冷面、蔬菜、酱汁同调味料都系用韩国进口。虽然我去我晚系啱啱打完风，差唔多晏昼先落波，但夜晚八点去到其实餐厅都差唔多满座，不敢想像如果系平时冇打风系咪会更加多人。座位都几阔落，好多都系四人座位以屏风分隔，目测容纳五60人都好足够。睇过餐牌，本身想点𠮶个系四色牛肉加五花腩，不过当晚四色牛肉全部冇晒，冇得试招牌菜有啲失望，于是就叫咗个有肉有海鲜嘅拼盘，喺未落单𠮶时店员已经上紧前菜。-🥬 前菜 💰0（👅: 7.5/10）呢度嘅前菜非常慷慨，有7款前菜，前菜既款式每日都会唔同，而且可以无限追加， 当日有沙律、泡菜、芽菜、洋葱、萝白、鱼糕、卤蛋，个人
韩珍系一间韩国菜餐厅，而隔离嘅bong楼系佢嘅副线，餐厅全部系由韩国人主理，不过佢哋英文足够同大家沟通到，而且仲会主动教大家点烧，甚至帮大家烧。呢度嘅老板仲要系G Dragon父母嘅朋友，系居港嘅韩国夫妻。韩珍除左主打韩烧，仲有提供好多韩式料理，最多人叫嘅好似有酱油蟹、炸酱面、糖醋排骨。肉方面都系选用美国或韩国进口肉类，而冷面、蔬菜、酱汁同调味料都系用韩国进口。
虽然我去我晚系啱啱打完风，差唔多晏昼先落波，但夜晚八点去到其实餐厅都差唔多满座，不敢想像如果系平时冇打风系咪会更加多人。
座位都几阔落，好多都系四人座位以屏风分隔，目测容纳五60人都好足够。
睇过餐牌，本身想点𠮶个系四色牛肉加五花腩，不过当晚四色牛肉全部冇晒，冇得试招牌菜有啲失望，于是就叫咗个有肉有海鲜嘅拼盘，喺未落单𠮶时店员已经上紧前菜。
-
🥬 前菜 💰0（👅: 7.5/10）
前菜
16 浏览
1 赞好
0 留言
前菜
12 浏览
1 赞好
0 留言
前菜
23 浏览
1 赞好
0 留言
-
🥩 八方美人 💰588（👅: 7.5/10）
八方美人
$588
26 浏览
2 赞好
0 留言
传统嘅食法就系用生菜包住烧肉、青椒、生蒜同烧肉酱一齐食，再加上拼盘上面嘅蔬菜同杂菇，可以抵销烧烤嘅油腻感 。
呢度嘅肉普遍都系无咩点经过腌制，冇咩大量嘅调味，主要系食返肉嘅原汁原味。牛肉普遍牛味重啲，脂肪比较少，不过偏韧身。
雪花牛肉油脂比较多啲，脂肪分布算系平均，不过比较厚身，咬落算juicy，不过比起平时食既雪花牛肉有啲韧劲，同埋部份位置有筋，牛肉味算重比起牛舌。
然后系我每次烤肉一定会叫既牛舌，牛舌比较薄身，所以好容易烧，咬落系有韧劲嘅牛舌，而唔系入口即溶𠮶种，不过今次嘅牛舌惊喜就唔大，个人钟意厚切有韧劲好似日本𠮶种，一系就劲腍身既牛舌。
而猪颈肉算系满意之一，系猪前边颈嘅肉，咬落爽口，比较冇咁韧，油脂算系几种肉入边最丰富，肉味几香。
护心肉系猪横膈膜同肝之间嘅肉，老细拍下我心口话我知系心口前面𠮶旧肉，所以一只猪其实得好少，肉比较厚身，脂肪唔算多，咬落去肉质较结实，偏韧小小，食落肉味算浓郁。
酱油鸡肉系我最钟意嘅其中一个，已经去晒骨嘅鸡扒肉，肉够厚，咬落爽滑够嫩，因为已经用甜酱油腌制过，食落非常入味，唔使点酱汁都已经好够味。
本身对海鲜冇乜期望，反而几有惊喜，唔知其他食客系咪都系咁，个时咁啱同老细倾紧计，佢见我未烧只虾就帮我哋烧，仲教我哋喺中间切开就可以完全去壳，啱晒啲想食虾但懒得剥壳嘅人。
虾非常大只，肉质算唔鞋，食落几鲜甜。鲍鱼本身真系冇期望，因为食过好多烧肉或者打边炉，啲鲍鱼都系冇味或者好韧，点知咬落去一啲都唔韧，仲好弹牙，因为已经用酱汁腌制过，所以非常够味，而且食到鲍鱼本身嘅鲜甜味。
-
🍜 炸酱面 💰88（👅: 8.5/10）
炸酱面
$88
19 浏览
1 赞好
0 留言
呢度炸酱面嘅酱汁感觉比韩国食到嘅冇咁甜，不过对于未食过嘅人来讲系相对甜啲，我觉得可以接受，都唔会过咸，食落唔会觉得好溜，而且酱汁份量比起面多好多，就算食完碗面都仲有好多酱汁，酱汁入边仲会有好多猪肉。
可能因为酱汁太多嘅关系，面条会相对腍，不过面条系非常挂汁，所以每一啖都系食到炸酱嘅味道。加上酱汁嘅洋葱、猪肉、青瓜，系正宗嘅炸酱面味道。
-
🥤 Korean Sweet Rice Juice 💰20（👅: 7.5/10）
Korean Sweet Rice Juice
$20
22 浏览
1 赞好
0 留言
-
🥤 Citron Tea Cold 💰20（👅: 7.5/10）
饮落系比较普通嘅柚子茶，唔系太甜亦都唔会冇味。
-
🌟食物种类唔少，有好多唔同嘅拼盘，如果你系食肉兽可以试吓四色牛肉加其他肉，如果想食海鲜咁八方美人都系一个选择，今次冇机会试到招牌嘅四色肉，不过呢个拼盘海鲜都唔错，而肉主要系食返原本嘅味道，有调味嘅就只有鸡肉，而肉系比较有嚼劲啲，唔系入口即溶𠮶种，如果想要啲重味啲嘅肉咁四色牛肉会更适合。而前菜都可以无限添加，前菜种类非常多，非常满足。
环境来讲，冷气抽风都足够，唔会话太大油烟或者太过热。店员服务都唔错，虽然系韩国人不过佢哋英文都可以同人沟通，而且会讲解点样烧或者直头帮你烧埋。虽然店舖客人几多，不过店员都会经常帮手换铁板，会时刻留意每枱嘅情况。
价钱方面，如果系食肉嘅套餐，价钱大约300至400，晚市来讲算系中价嘅韩烧，喺未试到佢嘅招牌四色肉嘅前提下，我觉得炸酱面比较出色，另外听讲酱油蟹同水冷面都唔错，下次黎可能会试吓佢嘅其他韩式菜式。-
👅味道: 8/10
🍴环境: 7/10
💰消费: $300-400pp (服务费: 10%)
张贴
