藝餐 (已結業)

葵广虽然小食多又好味，但偶尔都想揾间餐厅坐低食下野既。今日就试试依间系转角位比较隐蔽既韩国餐厅。店舖细细，由韩国人打理，我地下午茶时间去，唔算多人。墙上有好多餐点相，有啲几吸引，但我地唔太饿只想食少少野，就无试啲好大份既食物，我地只点左小食。叫左午餐餐牌既杯炸鸡（$38）同埋铁板鸡蛋卷（$78），另外有叫食物就会附送两款泡菜。杯炸鸡新鲜炸起，加上甜辣酱，甜辣酱更带有少少酒味，不错。鸡蛋卷入面有芝士，但唔算多，而且略嫌煎得太老。总结来讲，今次小试依间韩国人主理餐馆，未算特别出色，或许再给一次机会，下次试试主菜如何。