李家 (海壩街)

营业中

休息中

去到荃湾好多美食选择，本来谂住同朋友去食米线，不过午饭时间实在太多人，见到附近有间韩国菜李家，其实想试好耐😎，听讲系元祖级炸鸡，即管去试下。接待我哋嘅系一个正宗韩国人，即刻信心大增！💪🏻💪🏻一坐低见到周围每台都好多人点炸鸡，我哋当然唔好错过，要试真啲个炸鸡🐓好唔好食，最好嘅就点原味。餐牌上有双拼嘅选择另一半我哋拣咗最出名嘅甜辣味，炸鸡分量差唔多系一只全鸡！🍂天气转凉叫返一个热辣辣嘅韩国汤窝，点咗一个好特别嘅 牛膝骨汤锅 汤底浓郁 人参味好重🍲，味道鲜甜带甘，好重骨胶原，牛膝骨口感有咬口，加入白饭变汤饭最后惊唔够饱，叫多一个韩式泡菜饼，外脆口感烟韧。