Toast Luck (希慎廣場) (已結業)

系soul food truck隔离，仲有韩国好流行的爆馅多士。超爱薯饼的我拣左墨西哥芝味烟肉薯饼吐司😋 一个人食一份系一定好饱🤣 做法同韩国一样，首先系铁板到搽上牛油，放上面包，令面包充满牛油香😛 仲有啲蜜糖的味道，食落带甜。入面夹左一块方形蛋同烟肉，觉得烟肉可以再煎香啲，但而家呢个味都冇得输😎咬到中间好多芝士流出来，加埋薯饼一粒粒咁，真系好邪恶好丰富😝 搞到我好挂住系韩国的早餐呀！-我仲加左杯奇异果沙冰，饮落完全系一只奇异果汁的味道，酸酸甜甜又天然。如果经过想怀念下韩国味道，一于来呢到啦😬