李家 (筲箕灣道) (已結業)

🍗「李家」炸鸡店系我一位韩国同事热烈推介，连韩国人都赞好，无理由唔试。我本身都好钟意食韩国炸鸡，因为韩式炸鸡外皮长时间都保持到好香脆，配合各式各样特别嘅酱汁，每次食都有新惊喜。🍯蜂蜜蒜蓉炸鸡炸鸡香脆Juicy，炸粉恰到好处，令炸鸡有松脆口感但又唔会食落劲肥腻。本身鸡肉有腌泡，所以已经好入味，加上蜂蜜蒜蓉及炸蒜头，甜甜咸咸的，韩国味道返哂来。🐓半半炸鸡(原味+甜辣)我拣左无骨炸鸡，啖啖肉系正嘅，比较起有骨炸鸡虽然无咁滑，但同样juicy香脆！原味食到鸡皮脆卜卜，鸡肉味香浓；而甜辣酱就惹味，令人食指大动，满满韩国风味，虽然系甜”辣”，但都因应了香港人的口味，所以唔系太辣嘅~好欣赏炸鸡够哂热，果然系即叫即炸，食到最后一旧都唔会冻左。🥚 蒸水蛋Share食会比较合适，因为入面至少有四，五只蛋，加上高汤，放入热辣辣嘅韩式热锅，用锅嘅热力慢煮，啖啖蛋香，香喷喷，热辣辣！