辛安東元祖奶奶雞 (已結業)

今日又去同肥仔食野，今次去食韩式炖鸡，自己真系比较少食，一于睇下呢间韩国过江龙点样，系香港开左好几年相信唔会令我失望。餐厅都唔细，有成两层，有啲便条仔比食客写下留言。黎到当然系食辛安东元祖奶奶鸡，另外试个韩式泡菜小笼包。Like facebook 送野饮~韩式泡菜小笼包 $58几有创意！将中韩合壁，虽然佢系韩国餐厅，但都唔会求其整小笼包，小笼包外皮唔算薄但都唔会整到好似食粉果咁厚，其实似返本身既韩式蒸饺子，唯一做唔做小笼包既系冇比酱油同姜，泡菜够哂多，不过唔知系咪怕有啲人唔食辣既关系，泡菜冇乜味，亦都唔辣，略为淡味左啲。辛安东元祖奶奶鸡(半只) $158叫左半只试下，怕叫全只唔好食会浪费。比我感觉望落去似香港既「啫啫鸡煲」，都系用豉油为主，有得拣辣度，就拣左小辣，原来仲有啲配料，例如洋葱、薯仔同埋韩式粉丝，食落微微辣味，带啲豉油咸味，肉质唔算特别嫰滑，但都可以，更加入味会仲好。因为已经系旺角扫左街食左少少野先黎，所以试左两样野食，埋单每人$100多啲都唔算太贵。