影片
更多
2017-01-16
1809 浏览
经过几次呢间韩式小店，次次都冇入去，因为个外观真的唔吸引~不过今次好想好想食烧肉，于是第一次入去试下，系门口睇餐牌，有位女士话佢地餐厅相比出面韩式烧肉系比较平，我觉得佢呢个手法有啲搞笑，同埋奇怪。入到去坐低，紧系睇下餐牌，我地都系谂住食少少烧肉加个饭或面，因为全食烧肉好热气，而且我地今日又唔太肚饿，不过侍应姐姐一黎就叫我地叫最贵个套餐，全部都系肉，好似有5款肉，五百几蚊，其实算系抵嘅，但系我怕食唔晒。之后我话再谂下先，佢就唔理我喇！值得一赞嘅系佢地啲前菜，都跟得好足，个茶都好香好好饮，不过偷听到原来一人得两款前菜，二人就有四款。准备烧肉，佢地都配咗三款酱汁，都做得唔错。主角到~ 牛肋肉，侍应姐姐一黎就帮我地放晒落去，我其实想慢慢烧架……不过啲牛真系好香，入口好有肉汁，唔洗调味都已经好好食。再黎一个猪腩肉~ 猪肉都好香口，啲脂肪分布几靓，烧啲猪油出黎好香好香~配埋个菇都好好味，吸咗啲牛油同猪油，好正！最后食埋个石头锅饭，又系一黎姐姐就帮我地搅拌好，不过都好好食，如果再加多少少辣就仲好味！埋单295，价钱都差唔多，收银应该系老板娘，系咁叫我地拎多几粒糖，话系韩国嘅饭焦糖，我拎咗两粒，出门口
不过今次好想好想食烧肉，于是第一次入去试下，系门口睇餐牌，有位女士话佢地餐厅相比出面韩式烧肉系比较平，我觉得佢呢个手法有啲搞笑，同埋奇怪。入到去坐低，紧系睇下餐牌，我地都系谂住食少少烧肉加个饭或面，因为全食烧肉好热气，而且我地今日又唔太肚饿，不过侍应姐姐一黎就叫我地叫最贵个套餐，全部都系肉，好似有5款肉，五百几蚊，其实算系抵嘅，但系我怕食唔晒。
之后我话再谂下先，佢就唔理我喇！
值得一赞嘅系佢地啲前菜，都跟得好足，个茶都好香好好饮，不过偷听到原来一人得两款前菜，二人就有四款。
准备烧肉，佢地都配咗三款酱汁，都做得唔错。
主角到~ 牛肋肉，侍应姐姐一黎就帮我地放晒落去，我其实想慢慢烧架……不过啲牛真系好香，入口好有肉汁，唔洗调味都已经好好食。
再黎一个猪腩肉~ 猪肉都好香口，啲脂肪分布几靓，烧啲猪油出黎好香好香~
配埋个菇都好好味，吸咗啲牛油同猪油，好正！最后食埋个石头锅饭，又系一黎姐姐就帮我地搅拌好，不过都好好食，如果再加多少少辣就仲好味！
埋单295，价钱都差唔多，收银应该系老板娘，系咁叫我地拎多几粒糖，话系韩国嘅饭焦糖，我拎咗两粒，出门口食，真系有饭味架！有趣~总结~ 食物质素高，价钱比坊间韩烧系平，唔好俾门面吓亲！但侍应姐姐有待进步~
张贴
