삼삼뼈국

营业中

休息中

去OpenRice成日见到排榜上有名，bookmark咗好耐终于嚟到试食。6:45到有位直入，但之后陆续开始多人，7点已经排长龙。主要要等好耐原因系佢冇限时食，倾好耐计先走都得，完全唔会赶你走。朋友成日去韩国，佢话啲嘢食真系喺韩国会食到嘅味道// 辣味土豆脊骨汤本身已经包金菇同西洋菜，所以后来免费追加一样食物，所以记得可以拣其他，我哋拣咗娃娃菜。汤嘅辣到适中，泡菜辣度，带点甜味，易入口。牛脊骨肉嫩，入味，必定要配佢个秘制酱汁食，超好食！本身感觉好似食紧煲汤嘅高质牛骨，一般般，但当你点佢个秘制酱汁食，即刻令到味道好特别！另外啲薯仔同菜亦担当好重要嘅角色，索哂啲汤汁，有多啲嘢咬吓，唔会好似成餐喺度食骨咁，有啲攰同dry。。。// 三三炒饭本身以为佢会帮我哋炒，开头都炒得不错。点知佢将啲饭压扁晒贴到落个镬，以为会炒到有饭焦脆脆地食，点知底全㶶、全黐底。。。完全食唔到几多啖饭，因为食到系有啲㶶咗嘅苦味，嘥米又嘥钱。。。食咗几啖，都试到个饭系好食嘅纯粹系个侍应炒得差。