DAMUN韓國料理 (已結業)

听朋友介绍呢间餐厅韩国人开够正宗所以嚟一试，餐牌上菜色卖相吸引，友人想食部队锅而我就选了杂锦煎饼！等食时有3款前菜同泡菜食住先，要特别一赞个泡菜，鲜甜爽口，同平时食开嘅唔同！煎饼系韩国大厨喺酒吧位置即叫即煎，热辣辣香喷喷，款式好多，配埋个带辣嘅豉油味道好夹。个部队锅系有个炉仔放喺我地面前煲嘅，同喺韩国食一样，，睇住煲嘢由清汤变红汤，入面料好多，汤底好好味，我哋忍唔住加多个面清晒！哈哈！因为得两个人，仲有好多嘢想试，已经打算下次想食韩国菜时再来。