吉列牛忌廉烏冬專門店 (彌敦道)

营业中

休息中

之前系社交平台，见到有朋友洗版式 post「吉列牛忌廉乌冬专门店」嘅忌廉咖哩牛肉乌冬，卖相极之吸引，所以一直都好想试。今日放工，终于可以试到。呢度环境唔算大，一眼望得晒，但有落地玻璃窗，透光度好足，令人好舒服。咖哩忌廉牛肉乌冬 $78望到已经好兴奋，乌冬卖相好邪恶，面层铺满咗厚厚嘅忌廉。先试咗啖忌廉，好幼滑。再将忌廉同咖哩乌冬捞匀，食落口感超正，好 creamy。咖喱好香好浓，辣度适中，牛肉唔靭，果然无令我失望。汤底有3款选 : 清香抹茶汤、蔬菜鲣鱼汤、豚骨汤。韩式炒牛肉茶渍饭 $58 定食有两款前菜，有麻酱豆腐同小蕃茄。今次拣左清香抹茶汤。汤底用茶壶装住成壶上，客人可按自己口味加几多汤。抹茶汤味道清淡，饭上面撒有蛋同饭素，加入汤捞埋，味道就出晒黎，估唔到咁好食~ 再配埋炒得好入味既烧汁牛肉，更加好食。可乐 +$5跟餐就只有可乐选择，如果多几款会更加好。Passion Punch $38三款特饮颜色都好吸引，呢杯柠檬味，感觉清新。