辛安東元祖奶奶雞 (已結業)

讲起韩国嘅炖鸡，有两间好出名嘅。今晚一于同妈妈试吓其中一间，叫做辛安东元祖奶奶鸡。佢开咗喺内街一个比较隐蔽嘅位，所以揾得去食嘅人，我谂都真系几熟韩国出名嘅菜。食炖鸡，梗系要食佢最出名最经典𠮶款啦。我哋两个人就拣咗食半只鸡，而我同我阿妈出名为食，所以就忍唔住叫多咗个辛辣年糕八爪鱼炒面。个年糕八爪鱼炒面都几浓味，啱晒啲好钟意食韩国酱料嘅人。特别要提一提佢个面唔系行嘅韩国公仔面，系真系有弹性又烟韧嘅拉面。加上八爪鱼系成只上，配埋炒年糕底捞埋个泡菜汁又有蒜香，真系好醒胃。到咗主菜啦，个炖鸡配菜有薯仔，厚切青瓜，洋葱，萝卜，当然就有如果你识食紧鸡，一定最想食佢个炖鸡底嘅薯粉。我哋叫咗半只鸡嘅份量，个汁浓得来，但仲食得到鸡嘅味道。而最正就系，啲薯粉捞埋个汁食，真系好入味。我见隔离枱仲专登加钱变做火锅，可以将个汁发挥得淋漓尽致。但因为我同我阿妈得两个人，再叫火锅就真系太大食啦，下次试啦。