Sodam Chicken (已結業)

好耐冇食炸鸡啦今日嚟到铜锣湾食炸鸡放题，一次过满足晒所有愿望！平时两个人想食多几种口味都好难，今晚我哋就食咗唔同味道嘅炸鸡同埋焗鸡啦，系咁食都唔记得影晒呢～一坐低之后我哋梗系嗌返韩式前菜啦，点少得泡菜同埋酸萝卜，酸酸辣辣而且仲脆脆地，系夏天最啱嘅开胃菜呀。之后就开始炸鸡大餐啦～左边嘅系新出嘅芫荽炸鸡＋蜜糖芥末香葱炸鸡，平时屋企芫荽多数煲汤先落，原来用嚟整炸鸡都一样好食，一上菜就闻到芫荽味，啱晒一班钟意食芫荽嘅朋友，出面脆卜卜，而鸡肉仲有鸡汁 yumyum～而蜜糖芥末香葱炸鸡，唔单止有蜜糖甜甜嘅味，加埋少少芥末味，食完之后都忍唔住再加多件。右边嘅系墨西哥香辣炸鸡，呢个辣度太惹味香口呢～仲有黄金咸蛋炸鸡，外皮沾满晒咸蛋黄，超重咸蛋黄味呀～食到咁上下，仲点咗粟米同菠菜，之后再做返食肉兽 仲有甜甜嘅苹果酒同蜜桃特饮，两杯甜甜饮品加埋食炸鸡，一路饮嘢，一路倾计，好开心呀～