自家製韓國刀削麵 (山林道)

营业中

休息中

朋友倾咗好耐，好想食吓地道嘅韩国嘅嘢，谂起尖沙咀好多韩国餐厅林立，于是佢就推介咗呢一间排长龙嘅餐厅。我哋都要等15分钟以上先等到位入到去见到好多韩文就觉得去咗韩国啦！一入到嚟就会有泡菜可以食，仲要系新鲜腌制嘅味道。我哋三个女仔决定嗌啲唔同嘅嘢，三个人一齐分享！牛骨汤刀削面 $78好特别嘅刀削面，比一般拉面多咗一啲心思。牛骨汤好好饮。双拼饺子 $58期待咗好耐嘅饺子终于有得食啦！有泡菜饺子同埋猪肉饺子。饺子入边有啲粉丝好得意。五花肉泡菜煎饼 $68煎饼都有大大块五花肉喺底𠮶度，泡菜煎饼还原咗韩国嘅味道。入到去好似去咗韩国小店咁样充满旅行感觉。