Hungry Korean (D2 Place) (已結業)

两个人得闲过黎D2 place ，原来都有好几间餐厅。由于系附近睇戏，所以就选择咗一间快餐店！谂起快餐店，通常都系果几个大牌子。不过原来韩国既快餐店都几掂。入到黎其实无乜服务，斟水自己黎，拎餐具都系自己黎。不过可能未系好多人（比较早），所以啲员工都肯招呼下。因为未算好肚饿，所以叫咗三样野黎试下。第一样黎既系韩式鱿鱼寿司。味道几好，可能加咗韩式辣酱，俾人感觉同日式寿司好唔同。啲鱿鱼都几弹牙。第二样黎既就系牛肉石头窝饭，成个饭都几有水准，加上成枝韩式辣酱任你落，食得好滋味。最后黎既就系主菜 -- 韩式炸鸡。入到快餐店点可以唔嗌炸鸡呢。果然无令人失望。炸鸡好香脆，又多肉汁。 唔会话干哂过哂火。最重要系佢啲蜜糖芥末酱好好食。