韓宮 (已結業)

今日收工去咗黄埔食饭，地铁站A出口一出就见到间韩国嘢，叫韩宫睇咗个Menu觉得OK就入咗去，因为朋友话佢好肚饿，我哋一入去就见到个烧猪肉拼盘，入面有五花腩同猪颈肉，同埋一啲配菜。 上菜想得好快，原来佢系成盘咁样烧咁烧，块板有个斜度帮你去油，五花腩肥美可口，猪油香好重，但食落都唔系好肥腻，个猪颈肉，烧到脆边口感，成盘份量都好多，侧边仲有芝士，厨师肠，配菜，卖相好丰富之后我哋又点咗个酱油蟹，嚟到嘅时候店员有解释我哋点样食，因为系第一次食，食完觉得味道好新鲜，原来酱油同蟹肉系可以咁夹，除碟仲有个紫菜饭，俾你捞埋蟹盖同啲饭一齐食，我哋仲试咗自制嘅炒饭添见到隔离有炸鸡，朋友都话想试，我哋叫咗个蜜糖芥茉炸鸡，份量都好多，全部都系冇骨㗎，啲皮炸到好脆，入面啲肉都好软滑，最钟意就系佢𠮶个蜜糖芥茉酱，甜甜地，食完一旧又想食第二嚿，好食！估唔到随机入嘅舖头都有惊喜，下次可以叫多啲朋友一齐试，店员服务都好好，佢会同你介绍啲菜系点食！