Fine Day Cafe (已結業)

Fine day韓國街中的西餐廳～平時我好少嚟呢條街，今日因工作關係路經此地～見到舖入面入坐達8成，所以入去試試～叫左個set lunch:「板燒美國黑豚肉配芥末燒汁伴焗薯」（可以揀配飯），跟是日餐湯或者廚師沙律+餐飲～因為有餐飲，所以揀左沙律！個沙律正常，沒有特別，用了wasabi 做汁，同有啲雜海鮮，想信啲海鮮係冰鮮嘅，因為無咩味～主菜塊黑豚肉就幾好食，唔嚡口，仲爽爽地，口感一流，個汁就略帶一點芥末味，黑椒味較重～再有炒雜菌做配菜，正～不過油左少少！！舊焗薯好好食，可能係我特別鍾意食酸忌廉焗薯😁杯餐飲有驚喜～加左$10要杯cappuccino , 奶泡好滑又唔會太熱，仲有拉花添～唔會有燶苦味～整體而言，呢餐好啱我食～