Outdark (飛達商業中心)

营业中

休息中

呢次之前试过尖沙咀厚福街嘅分店。今日就嚟到旺角再一试究竟。旺角分店水准都保持到，没有失望。 先拔头筹当然嚟一个丰富嘅双拼炸鸡 。今次就拣咗香蒜蜜糖炸鸡同甜辣酱炸鸡 $192。一大盘仲有满满嘅薯条同暑薯格，十分震撼。 炸鸡系冇骨𠮶只，啖啖肉最啱我呢种食肉兽。 酱油嘅味道冇抢到鸡肉嘅味道，两者相得益彰 。 之后仲嗌咗个炸酱面 $98。热辣辣捞匀佢，入面仲有好多猪肉块 ，味道适中， 好大个面， 十分饱肚。 另外仲嗌咗一个DIY饭团 $45。有得食仲有得玩，饭团有好香嘅芝麻油香味， 唔觉唔觉我食咗好多粒 ，性价比十分高。 小食就嗌咗 炸芝士蕃薯条$35， 虽然非常热气，但 有拉丝嘅效果已经值回票价。 最后我哋仲嗌咗一客炸年糕 $38。有十二件，包括经典嘅韩式酱， 仲有蜜糖味， 两只味我都好钟意。 整体嚟讲， outdark嘅价钱十分亲民 ，menu亦都有好多选择。