韓屋

营业中

休息中

之前行过韩国街，见哩间韩式小店好多人食，今次中午行过见冇乜人就入去试下。一坐低，佢会先上免费嘅辣萝卜，食落唔会太辣，只有小辣程度。佢地主打食传统韩国料理，有参鸡汤、牛肉汤、猪肉汤、拌饭同饺子。雪浓汤($138) - 去过韩国旅行都实会食一间雪浓汤，佢系用牛骨同精肉一齐煲，煲好长时间煲到佢雪白色而成，雪浓汤本身冇跟饭，可以另加$15加配红米饭。雪浓汤热辣辣，好啱而家开始冻冻地嘅天气饮，饮完真系成个人暖晒，汤头好清甜牛骨味，入面有唔少牛肉同洋葱。炒猪肉石锅芝士拌饭($128) - 石锅饭同样系热辣辣，面头铺满紫菜、芽菜、萝卜丝、蛋丝、菠菜，上面仲有炒猪肉同芝士。下面嘅饭同样用左红米饭，非常健康，食到底仲有少少饭焦添。提子果汁($25) & 柠檬梳打($27) - 哩只提子汁系有果肉嘅，我都几钟意饮。柠檬梳打酸酸地好开胃。总结，野食好够热辣辣，份量都大份，如果两个人建议叫一个饭，再搭其他小食就够。