漢城美食

营业中

休息中

去尖沙咀韩国街就梗系食韩国菜啦！呢间由读书时期已经帮衬开嘅汉城美食，喺2001年开店，真系汉城未改名做首尔已经食紧。汉城美食由韩国人主理，从传统嘅韩国菜式，到近年大热嘅人气嘅炸鸡都有，菜式种类繁多，加上座位宽敞，同样适合家庭聚餐呢！辣猪肉韩式石头饭唔同颜色嘅配料令石头饭嘅卖相非常吸引，而且热辣辣嘅石头饭简直系冬天之选，特别钟意石窝边嘅饭焦呢！将辣猪肉、辣酱同所有配料捞匀，味道唔会太辣，非常惹味，而且各种配菜又增加咗整个石头饭嘅口感，好好味！蜜糖蒜蓉炸鸡半只嘅炸鸡份量都唔少，而且即叫即炸，非常新鲜热辣。炸鸡以蒜蓉嘅香味作为基底，加上香浓嘅蜜糖，非常惹味，最后配上韩国啤酒，真系一秒就充满韩意啦！