阿里郎熱狗棒 (已結業)

下午同男朋友行旺角时经过呢间韩国街头小食店，勾起我旅行既回忆，二话不说买左几样野食止下瘾。鸳鸯芝肠热狗棒点完即刻炸起，外层面包炸得松脆，里面一半系拉丝既芝士，一半系热狗肠，一次过满足晒你两个愿望。虾多士拎上手热辣辣，材料丰富，有虾饼、煎蛋、椰菜丝、青瓜，仲有甜甜地既酱汁，我自己就几钟意。雪米糍系新产品，拣左两款黎食。裸装柑橘包住原个柑橘，底层有一层红豆。柑橘酸酸地，咬落冰感十足。牛奶似平时食既雪米糍，底层都系有红豆。